الإحساس بالرفض

هبه شفيق
ماجستير علم النفس الاكلينيكي
 معالجة نفسية معتمدة من وزارة الصحة

الاحساس بالرفض من أسوء المشاعر اللي ممكن يحسها اي شخص..احساس انك منبوذ وان محدش بيحبك او قابلك حاجة صعبة جدا وللاسف في كتير من الناس بتعاني من المشاعر ديه وعايشة حياتها وهي رافضة نفسها بسبب احساسها برفض الناس ليها.. 
 والحقيقة ان السبب في ده ممكن يكون راجع لحساسية الشخصية نفسها للنقد واصدار الاحكام عليها دايما فمثلا..  شايفة نفسها وحشة او فاشلة رغم انها غير كده.. وتقول لنفسها انا شكلي وحش وجسمي وحش.. انا مستاهلش اتحب من حد.. 
وفي علاقتها مع اهلها او اصحابها اي خلاف معاهم بتشوف انهم كارهينها ولو حصل خلاف بسيط بينها وبين حبيبها تثور وتغضب وتنعزل عنه تماما وتعتقد طبعا انه هيسيبها ويعرف عليها واحدة تانية لانها غير محبوبة وغير مرغوبة وممكن يوصل بيها الامر انها تأذي نفسها أو تفكر في الانتحار لانها رافضة حياتها وذاتها.. 
صاحبة الشخصية دي بتعاني جدا وعندها اضطراب في هويتها الذاتية وتقديرها لذاتها بالاضافة لصورة الذات المشوهة واسمه اضطراب الشخصية الحدية؛ وده بيكون راجع لخبرات مؤلمة حصلتلها في طفولتها وتعرضها لايذاء او استغلال من آخرين. 
وعشان كده محتاجة تغير طريقة تفكيرها الغلط وتبطل تحكم علي نفسها عن طريق اساليب علاجية متخصصة.

متتردديش انك تساعدي نفسك.. لانك محتاجة تفهمي نفسك صح وتتقبليها وتحبيها من خلال طرق علاجية ومهارات هتتعلميها معايا ان شاءالله ?